المناقشات الطويلة غير المجدية والجدال للجدال مبيعملش أي حاجة غير زيادة الفجوة بين أطراف النقاش، واللي بتفضل توسع لغاية ما اللي بدأ على أساس أنه "لا يفسد للود قضية" بيتحول لسبب رئيسي للكره والضغط النفسي وقلة الاحترام وحاجات كتير قوي. سَرد مسائي في السريع 👇🏾 (1/8)

انسحبوا وتجنبوا أي نقاش هتلاقوه مش هيضيف ليكوا حاجة. أو مع أي حد ضيق، هجومي، easily offended. ده في الحقيقة انتصار لنفسيتك ودماغك. (2/8) 👇🏾

في 2014 رائد الفضاء باري ويلمور، احتاج حاجة زي المفتاح الإنجليزي كده، بس للأسف باري وقتها كان في محطة الفضاء الدولية على ارتفاع حوالي 408كم من سطح الأرض، يعني خلاص المفروض يصرف نظر عن الموضوع. سَرد صباحي تكنولوجي (1/5) ↓

مشوار المليار بيبدأ بـ٥١٢٧ نموذج فاشل! كمل السَرد ✍️👇🏾

عن السفر والعيشة برة! مبدئيًا لو سألت حد مسافر وخصوصًا اللي مهاجرين ومستقرين عن البلد اللي عايش فيها وقالك وحشة وبيطفوا سجاير تحت دراعاتنا، قوله إرجع وأنا أخد مكانك عشان بحب السجاير على الريق. نحط دي على جنب بقى! نكمل السرد 👇 (1)

عايز تنجح بسرعة وتستقر؟ يبقى تروح وعندك لغة جيدة ومعاك مهارة أو إتنين كويس فيهم قوي. وبرضه مش هتروح تلاقي موكب في المطار، وبيشكروك عشان اختارت بلدهم، لكن هتتعب شوية وهتشتغل في حاجات أبعد ما يكون عن مجالك، لغاية ما تلاقي حاجة مناسبة، وده طبيعي جدًا. (2) 👇

جملة Time Will Tell من الجمل اللي عاملة زي "آلة الزمن"، أول ما تقراها وتفكر فيها شوية، هتشوف قدامك أحوال اتبدلت لأحوال، وناس بقوا ناس تانيين، وحياة بقت غير الحياة، ووعود قديمة بقت مجرد كلام. سرد ✍️ 6/1

أنا مبعرفش أدي الحاجات أكبر من حجمها، ولا أقع في حفرة الـOverthinking كتير، بس كل ما أقرأ الجملة دي أو تيجي في دماغي، غصب عني بقارن الأحوال والناس قبل وبعد؛ كانوا إيه وبقوا إيه… أوقات تغيير عظيم، وأوقات تغيير يزعلك. 6/2 ⬇️

من أخطر المراحل اللي هتعدي عليها، خصوصًا لو Creator. مؤلف، كاتب، مصمم، مصور… أو أي مجال فيه Creativity، حتى صناعة المحتوى المرئي والمسموع.

في الوقت ده هتلاقي نفسك بتقولك: "أنت متستاهلش الهيصة اللي معمولة عليك دي ولا التقدير اللي الناس بيدهولك وفيه أحسن منك ألف مرة واللي بتعمله ده مكرر وشبه ناس كتير ولو كملت فيه هيبقى شكلك وحش وهيشوفوك نقيل مش مبدع ولا حاجة".

🤔 يعني بقالك سنين بتقول "اتعلموا برمجة" وفجأة كده تقول اتعلموا No-Code Development؟ إيه اللخفنة دي؟ 🤬 طيب متضايقش نفسك وهفهمك الدنيا، بس تابع السَرد 👇🏾

✍️الكتابة لتجربة المستخدم أو الـ #UXWriting من المجالات المطلوبة قوي النهاردة، ومع ذلك معرفتنا بيها قليلة جدًا، عشان محدش عارف أو فاهم بالظبط هي إيه، فأنا هقولك وهرشحلك مصادر تتعلم منها... بس أنت تابع السَرد 🧵👇 1/9

الفشل الوسطي الجميل... حاولت أعد المرات اللي "فشلت" فيها معرفتش، لكن في المقابل الخبرة واللي اتعلمته من المواقف دي معرفش أقدره بفلوس. وده اللي عايز أكلمك فيه النهاردة... فتابع السَرد 👇 ✍️

الفشل خطوة وجزء من رحلتك وهو اللي هيعلمك تحسبها ازاي. الإحباط طبيعي عشان أنت بني آدم، متتجاهلوش، بس حاول تتخطاه بالبحث في أسبابه ومعالجتها.

يعني إيه فريلانس Freelance أو العمل الحر؟ وإيه علاقته بالربح من الإنترنت؟ وهل فعلا ممكن تحقق دخل منه؟ والدخل ده قد إيه؟ هل كل طرق الربح من الإنترنت تدخل تحت الفريلانس؟ هل كل طرق الربح من الإنترنت حقيقية؟ تعالوا نشوف... ⬇️ 🧵 ⬇️ 1/10

تعريف الـ Freelance العمل الحر هو أنه تشتغل لنفسك، يعني مش مرتبط بمواعيد شغل زي العادية (في أغلب الأوقات). وده معناه أنك المسؤول الأول والأخير عن، إدارة الوقت والتسويق والبيع والحسابات وكل ما يتعلق بالشغل. وفيه 3 أنواع من الفريلانسرز ⬇️ 2/10