زمان السباكة كانت شغل حديد بس، تقطيع ولامؤاخذة قلوظة على المضربيظة وتربيط وحاجة أخر عتالة.

وبعدين ظهر الـ PVC اللي كان بيتقال عليه "بروبلين"، وكانوا لونه أزرق بس واتغير بعدين لما شركة تانية دخلت السوق وبقى أخضر.

سَرد 👇🏾
1/5

وده كان تقطيعه سهل ولحامه سهل، وممكن تفصل الحمام كله بره وتروح تبيته مكان التكسير.

اللي هو السباك بيعمله حمامين تلاتة في اليوم.

فيه مجموعة قالوا: "يا عم بلاستيك إيه؟! مفيش إلا الحديد اللي بيطلع منه شغل صح".
وفيه مجموعة تانية قالوا: "نتعلم ليه لأ؟!".

2/5 👇🏾

مع الوقت الطلب قل على الحديد قوي… والاتجاه راح للبروبلي، خصوصا في مشاريع الإسكان.

اللي اتعلم كمل شغل عادي، واللي قال لأ قعد في البيت لغاية ما اضطر غصب عنه أنه يتعلم.

بغض النظر عن رأيك في جودة الإتنين، بس التطور هيحصل هيحصل، سواء كنت موافق ومبسوط بيه، أو مش معاه وعاندت.

3/5👇🏾

فأتعلم دلوقتي والدنيا بسيطة وخليك من القليلين اللي شغالين في المجالات الجديدة، بدل ما أنت رافضها عشان تبرر قعدتك.

هتقولي مش قاعدين، ومش فاضيين والدنيا صعبة ومفيش فلوس ولا وقت.

4/5👇🏾


ما هو أنت لو استنيت الوقت يتوفر مش هيتوفر، ولو منتظر اللحظة المناسبة مش هتجيلك… عشان الإتنين في إيدك أنت.

5/5
انتهى السَرد

The Evolution of Plumbing Materials

"أنا بتعلم كذا بس زهقت وعايز مجال أحسن وسمعت أن مجال كذا أفضل"…

 لو دورت وراه هتكتشف أنه غير حوالي 5 مجالات في أخر سنة، ومكملش ولا واحد منهم ولاحقق أي حاجة.

 تعالوا في السَرد المسائي السريع ده 👇🏾

1

يعني بعد ما تقعد شهرين تلاتة فاحت نفسك في مجال، حد يقولك إلحق ده المجال ده فلوسه أحسن، تقلب التعب والجهد بتاعك وتروح تجري ورا الجزرة.

بعدها بشهرين واحد تاني يقولك على مجال جديد فتسيب اللي في إيدك وتجري حافي والفوطة على وسطك وتبدأ من جديد.

وبرضه محققتش حاجة في اللي قبله.

👇
2

أه ممكن المجال ده يكون أحسن، بس ما يمكن تحقق من اللي أنت بتعمله دلوقتي، نتيجةأكبر.

ويمكن يكون هو ده مجال عمرك، مش المجال الجديد اللي جريت عليه!

👇
3

بس هتعرف إزاي لو ماكملتش واتعلمت بجد وجربت؟!

👇
4

طبيعي جدًا تمر بفترة في حياتك فيها لخبطة وتشتت، ومع السوشيال ميديا والأزمةالاقتصادية، فبقيت بتجري ورا أي حاجة جنبها "فلوس كويسة".

وتعيش باقي عمرك كده

 عارف أساسيات كل حاجة، بس مش شغال أي حاجة.

👇
5

التنطيط زيادة عن اللزوم مش حل، ومفيش حاجة بتحصل تاني يوم، ومستحيل تكسب من مجال بدأت فيهالنهاردة "قبل ٦ شهور على الأقل"… (على الأقل).


سلسلة #فريلانسولوجي هتعلمك كتير، وكلام واقعي… مش بتاع مشاهدات وشير.
https://www.youtube.com/playlist?list=PLfJqU5-lpa3COFELrXzcst1GmAA-MjwUG

👇
6

من كل سنين شغلي وحياتي في ٣ دول، مفيش إلا الاستمرارية وأنك تتعلم بطريقةصحيحة عشان تنفذ صح.

👇
7

لو أشطر مصمم في التاريخ ومبتعرفش تسوق لنفسك أو تتواصل مع الناس أو تكتبإيميل احترافي، فمش هتجيب مليم.

👇
8

كان فيه سؤال شوفته عن المجالات اللي ممكن تعمل منها مليون مبيعات.

عايز أقول لكل واحد بيسأل السؤال ده، ممكن قوي تعمل ده من مجالك.

👇
9

فيه ناس بيحققوا المليون من بيع "قوالب نوشن"، متخيل؟! وأنت ممكن تكون بدأت مجالجامد قوي، بس زهقت ومش قادر تستمر وبتدلع أو سامح للي حواليك يتحكموا فيكبجملة "ده فيه فلوس كويسة".

👇
10

كمل واستمر وابتعد عن الفهلوة وفكر اخطف واجري!

 بطل تجري ورا الجزرة.

 اتعلم اشوف لنفسك ولشغلك، زي ما بتتعلم المجال نفسه.

 اتعلم المهارات اللي لازم تكون موجودة عندك بغض النظر عن مجالك، عشان هتساعدك.

مهارات أساسية | وليد طه #shorts
https://youtube.com/shorts/PKSr_U645EQ?feature=share

11
#OVERnOUT


التنطيط

 ليه اشتركت في @TwitterBlue? 🚨
رأي بعد تجربة شهرين.
في السَرد ده هتكلم عن الميزات الموجودة، ورأي فيها.

سَرد صباحي سريع
1 ⬇️


ميزات تويتر بلو كتير، ومش بس العلامة الزرقا أو علامة التوثيق بغض النظر عن لونها، واللي فقدت معناها من زمان قوي على كل المنصات بلا استثناء.

لكن فيه ميزات تانية لقيت أني محتاجها، ده غير التحديثات المسقبلية اللي هتحصل.

2⬇️

🔴 ميزة Undo Tweet: تقدر تتراجع عن نشر أي تويتة بعد نشرها بدقايق عشان تعدل أو تحذفها خالص.

ودي من رأي قوية جدًا، عشان لو في أخر لحظة شوفت خطأ، وكمان فيها ميزة أنك ممكن تعدل توقيت الـ Undo.

🔴 تقدر تنشر فيديوهات 60 دقيقة
1080p حجمها 2 جيجابايت عن طريق الويب.

3 ⬇️

🔴 ميزة تقسيم الـBookmarks Folder: في الحسابات العادية، بتحفظ كل التويتات مع بعض، لكن في الميزة دي، تقدر تقسمهم لفولدرات منفصلة بأسماء مختلفة.

🔴ميزة Top Articles: أشهر المقالات هتوصلك في مكان واحد مخصص.

4⬇️

🔴 أولوية في شوية حاجات، زي أن رسايلك هتظهر في الأول، وردودك على التويتات هتظهر في الأول.

🔴 ميزة Reader Mode: لو فيه سَرد طويل وعايز تقراه كأنه مقال، الميزة دي هتخليك تقراه في مكان واحد وتعدل حجم الخط عشان تسهل القراية على نفسك.

5⬇️

ميزات مش مهتم بيها:

🔴 تغيير أيقونة التطبيق وتصميمه وألوانه.
🔴 العلامة الزرقا.

6⬇️

الاشتراك مفتوح على iOS وAndroid ومن على المتصفح.
في دول معينة
إنجلترا
أمريكا
اليابان
أستراليا
نيوزيلاندا
كندا
وأخيرا سمعت أنه بقى متوفر في السعودية

الاشتراك من التليفون بـ 11 دولارومن التليفون بـ8 دولار.

7

مميزات تويتر بلو

🤔💭 لو بتفكر تتعلم إنجليزى .. ومُصر يعني، فالسَرد ده هيفيدك ويوفرلك كل اللي محتاجه عشان تبدأ رحلة تعلم اللغة، فياريت متعديهوش وتابع 👇🏾

1

 لازم تعرف إن الموضوع مش سهل زي ما أصحاب السناتر والإنفلولنسرز بيوهموك، ومش هتتعلم في شهر ولا إتنين ولا تلاتة، ومحتاج مش أقل من 6 شهور عشان يبقى عندك خلفية عن الموضوع، وده سواء تعلم ذاتي أو غيره، في الحالتين هتاخد وقت، والوقت ده محتاج شغل وممارسة كتير وتعب.

2 👇🏾

تعلم اللغة الإنجليزية مبقاش حاجة كمالية، تعرفها أو متعرفهاش، لكنه بقى ضرورة ومطلوب بشكل محدش يتخيله، ولو علمت نفسك أو شجعت حد تعرفه أو بدأت مع ولادك، فتأكد أنك بتقدملهم وبتقدم لنفسك خدمة العمر، لأنه بقى عنصر أساسي في الدراسة والشغل.

3👇🏾

أيوه اللي بيعرف يتكلم إنجليزي النهاردة مبقاش "مبهر" زي زمان، و  يه شركات بتبص معاك كام لغة بعد الإنجليزي ولغتك الأصلية.

وده لأنه بقى حاجة طبيعية ومتوقعة.

4👇🏾


سؤال بيوصلني كتير "إزاي علمت نفسك إنجليزي؟ وإزاي أنا كمان أتعلم ويبقى مستوايا كويس؟"

ده غير التعليقات الكتير قوي اللي بتشتكي من الفرص اللي ضاعت منهم بسبب اللغة، أن الكتب ومصادر التعلم اللي مالهاش ترجمة.

للأسف!
5👇🏾


هبدأ بسلسلة موجودة على القناة، هقولك فيها أنا اتعلمت إزاي.

السلسلة اسمها The Right Way To Say واللي كل حلقة بتكلم فيها عن "إزاي تتعلم إنجليزي" والخطوات اللي أنا مشيت عليها، واللي نقلتني من واحد مبيعرفش لغة خالص، لمترجم وصحفي.

6👇🏾

1- دي السلسلة https://bit.ly/TRWTS وأوعدك مش هتندم لو اتفرجت عليها.

7👇🏾

2- "منصات ممارسة اللغة"، وقولت عليها "للممارسة"، لأنك من خلالها هتقرا وتسمع وتتفرج، فهتنمي الـ3 مهارات دول أثناء استخدامك ليهم، ومرشحتش إلا منصتين بس عشان مش عايز أردمها مصادر وخلاص، بس طبعًا لو عندك أي اقتراح اكتبه.
https://www.duolingo.com/
http://www.about.com/education/

8👇🏾

3- لينكات مهمة على يوتيوب:
English For You: https://www.youtube.com/user/englishforyoutv/playlists
Pronunciation & Phonetics: https://bit.ly/GKPhonetics

4- طيب أنا عايز قاموس كويس:
Oxford learners Dictionaries: https://www.oxfordlearnersdictionaries.com/
Cambridge English–Arabic Dictionary: https://dictionary.cambridge.org/dictionary/english-arabic/

9👇🏾

إيه ده؟ بس كده؟
لا لسه…

أكيد قبل ما تبدأ كل ده هتحتاج تعرف مستواك، عشان كده جمعتلك 3 مواقع تقدر من خلالهم تختبر مستواك في الإنجليزي، ونصيحتي تجرب أكتر من واحد أو كلهم عشان تتأكد من مستواك كويس.
(بس متنساش تتفاعل مع البوست عشان يوصل لغيرك)

10👇🏾

تحديد المستوى من كامبريدج: https://www.cambridgeenglish.org/test-your-english/
اختبار تحديد مستوى من جامعة واشنطن: http://depts.washington.edu/uwelp/uwoelst/uwoelst_main.php
اختبار حلو قوي لحصيلة الكلمات بتاعتك: http://testyourvocab.com/

11👇🏾

يمكن الكلام ده مش فارق معاك أو مش محتاجه، بس أكيد هيفرق مع حد تاني، ”و تأكد انه هيجي عليك الدور و هتلاقي حد عامل share لـ حاجة هتغير حياتك“.


تابع تليجرام:
https://t.me/WTknow

انستجرام:
https://www.instagram.com/WalidTahaArt

12

تعلم اللغة

المناقشات الطويلة غير المجدية والجدال للجدال مبيعملش أي حاجة غير زيادة الفجوة بين أطراف النقاش، واللي بتفضل توسع لغاية ما اللي بدأ على أساس أنه "لا يفسد للود قضية" بيتحول لسبب رئيسي للكره والضغط النفسي وقلة الاحترام وحاجات كتير قوي.

سَرد مسائي في السريع 👇🏾
(1/8)

انسحبوا وتجنبوا أي نقاش هتلاقوه مش هيضيف ليكوا حاجة. أو مع أي حد ضيق، هجومي، easily offended.

ده في الحقيقة انتصار لنفسيتك ودماغك.

(2/8) 👇🏾

النقاش ده واللي هتبدؤوه وانتوا مؤمنين بخرافة "الاختلاف في الرأي لا يفسد للود قضية"، هتخرجوا انتوا الاتنين منه مرهقين ومنهكين ومستنزفين وعصبيين وكارهين للنقاش نفسه والنقاش مع بعض، وواخدين قرار غير معلن بتجنب النقاش في الموضوع ده.

(3/8) 👇🏾


 ومع الوقت القرار هيشمل موضوعات تانية ويبدأ يبقى فيه ضغط نفسي لمجرد التعامل مع الشخص وهينتهي الأمر بخناقة يا موت للصداقة او لأي علاقة بخليط من القرف والملل والاستنزاف.

(4/8) 👇🏾

قول رأيك وخلي غيرك يقول رأيه. أنت شايفه حمار وهو شايفك حمار، ومحدش فيكوا هيغير التاني في الاخر.

ولو رأيك ليه أدلة "قوية" ومنطقية والجدال فيها عبط… زي مثلا كروية الأرض.

اللي يقولك مسطحة، بوسه وحطه على جنب
(6/8)👇🏾

عندك رأي أو فكر،اشتغل على تغيير one at a time من غير ما ترغم،أعترض وأثبت كلامك والمعترض. يعترض براحته So what؟ اعتراضه مش هيغير اللي في دماغك ومناقشتك معاه مش هتغير اللي في دماغه. فمتتعبش نفسك.

المهم انك متبطلش تعرض رأيك وفكرتك وتبدي اعتراضك على اللي مش عاجبك.. أبدا.

(6/8)👇🏾

بس وانت سايب إيدك.. 😁 يعني يكفي تقول لا والله انت غلط ودي الأدلة وتسكت ومتتكلمش تاني في الموضوع، أو لما تلاقي حد سخن على نفسه.. تخرج من الموضوع كله وأنت معرفه إنك بتتجنب المناقشة عشان مش عايز وجع دماغ، مش عشان مش هتعرف تتناقش، واتفضل الدليل على صحة رأي.

(7/8) 👇🏾

وفر وقتك وطاقتك لحاجات أهم وأكبر من محاولة اقناع حد بحاجة، خليهم يشوفوا بنفسهم احسن.

وبصراحة وفر على نفسك كل ده واعرف ناس شبهك، وفكك من أسطورة "المختلف هيكملك"... محدش بيكمل حد.

(8/8)

محدش بيكمل حد!

في 2014 رائد الفضاء باري ويلمور، احتاج حاجة زي المفتاح الإنجليزي كده، بس للأسف باري وقتها كان في محطة الفضاء الدولية على ارتفاع حوالي 408كم من سطح الأرض، يعني خلاص المفروض يصرف نظر عن الموضوع.

سَرد صباحي تكنولوجي
(1/5) ↓


لكن كان مع باري على المحطة طابعة ثلاثية الأبعاد، فبعت لناسا قالهم يا #ناسا ما ألاقيش عندكوا المفتاح ده عشان عايز أعمل حاجة سريعة هنا،  فناسا ردت عليه وقالتله عيني يا أبو ويلمور، وراحت باعتاله المفتاح في "الإيميل".

(2/5) ↓

بالظبط زي ما قريت بعتتله المفتاح أو نقدر نقول تصميم المفتاح (أبعاد وشكل وملف خاص بالطابعة الـ 3D)، وباري حمل الملف من الإيميل للطابعة، وطبع المفتاح اللي ماسكه في إيده ده واستخدمه في اللي كان عايز يعمله.

(3/5) ↓

الطباعة ثلاثية الأبعاد من يومها حصلها طفرة محدش يتخيلها، والموضوع تعدى مفتاح باري بكتير قوي، ووصل لأبحاث لطباعة النسيج الحيوي والأدوية والأكل!
تقدر تشوف الفيديو الموجود في التويت الجاية عشان تعرف أكتر عن التكنولوجيا العظيمة دي.

(4/5) ↓

تعالوا بقى نختم السَرد بشوية معلومات عن التكنولوجية العظيمة دي!

تعرف على الطباعة ثلاثية الأبعاد
https://youtu.be/jMczmwp38lQ

(5/5)

الطباعة ثلاثية الأبعاد

مشوار المليار بيبدأ بـ٥١٢٧ نموذج فاشل!

كمل السَرد ✍️👇🏾

معرفش لو فيه حد فيكوا يعرف نوع مكنسة اسمه Dyson ولا لأ، بس دي المفروض أنها من أحسن وأقوى وأغلى أنواع المكانس الموجودة في السوق وده لأن الباور بتاعها عالي قوي، وما بيضعفش مع الوقت… فقوة الشفط بتفضل زي ما هي مهما مر عليها وقت… بالإضافة إلى إنها مفيهاش كيس بيتغير كل شوية

1👇🏾

المهم هنا مش المكنسة… المهم إن اللي ابتكرها “فشل” في تطبيق الموضوع ده 5127 مرة… أيوة زي ما قريت كده عمل 5127 نموذج عشان يطلع بأول موديل DC01!

النهاردة James Dyson ملياردير وتقريبا ثروته عدت الـ10 مليار دولار..

2👇🏾

حاول لمدة 15 سنة، لإن أفكاره كانت بتترفض، لغاية ما اليابانيين أنقذوه وأخدوا منه موديل اتباع في اليابان بس، واتباع منه كتير لدرجة إنه فتح مركز أبحاث صغير ومصنع في Malmesbury في إنجلترا سنة 1993.

3👇🏾

لغاية النهاردة وهو معدي الـ70 .. وملياردير.. جيمس ما زال بيبتكر ،شغال عادي، ولا سنه ولا غِناه خلاه يبطل شغل، زي ما فشله وفقره ما خلهوش يبطل محاولة.

4👇🏾

هو اللي ابتكر المروحة اللي من غير ريش داخلية، وفيه منها نفس التصميم بس دفاية ومنقي للهواء… وابتكر برضه مجفف للإيد زي الموجود في الأوتيلات والحمامات العامة اسمه Airblade بينشف أسرع بكتير من اللي كان موجود قبل كده.. وغيرها ابتكارات نجحت وسمعت وبنستعملها.

5👇🏾

اشترى بيت أو قصر أو سميه اللي إنت عايزه .. مساحة الأرض اللي عليه 1.2كم مربع بـ 15 مليون جنيه استرليني، سنة 2003 البيت أصلا حاجة تاريخي واسمه Dodington Park

مش عارف بقى اللي فشل مرتين تلاتة وبعدها قعد وقالك مش نافع وخلاص زهقت.. هيحس بإيه بعد ما يقرا الكلام ده.

6👇🏾

الفشل موجود عشان نتعلم منه مش عشان يحبطنا.

والخوف موجود عشان نخطط كويس مش عشان نفضل مكاننا!

مبقولكش تبقى دايسون، لكن بقول متتخلاش عن الحاجة الوحيدة اللي بنت العالم النهاردة… المحاولة!


#أحسن_من_امبارح

7


قصة دايسون

عن السفر والعيشة برة!

مبدئيًا لو سألت حد مسافر وخصوصًا اللي مهاجرين ومستقرين عن البلد اللي عايش فيها وقالك وحشة وبيطفوا سجاير تحت دراعاتنا، قوله إرجع وأنا أخد مكانك عشان بحب السجاير على الريق.

نحط دي على جنب بقى!

نكمل السرد 👇
(1)

عايز تنجح بسرعة وتستقر؟

يبقى تروح وعندك لغة جيدة ومعاك مهارة أو إتنين كويس فيهم قوي.

وبرضه مش هتروح تلاقي موكب في المطار، وبيشكروك عشان اختارت بلدهم، لكن هتتعب شوية وهتشتغل في حاجات أبعد ما يكون عن مجالك، لغاية ما تلاقي حاجة مناسبة، وده طبيعي جدًا.

(2) 👇

توقع شوية عنصرية من البعض، ومتدبدبش في الأرض وتقول شوف بيقول عنصرية أهو،أنت في بلدك بيعنصروا بحسب المحافظة والقرية والمركز واللهجة والدين وكل حاجة تقريبًا، فمتعملش مانديلا، القانون معمول عشان يعامل الكل زي بعضه بغض النظر هو مين، وتقدر ترفع قضية على أي حد أو جهة عادي جدًا.

(3) 👇

لو مسافر ومفيش لغة ولا مهارة، يبقى هتتعذب جامد وهتتعب، لكن لو عايز فعلا تتغير وتبقى حاجة وصادق مع نفسك وراجل، هيحصل… بس هياخد وقت.

لأنك بتبني نفسك من الصفر ويمكن من تحت الصفر بشويتين.

(4) 👇

لو اختارت عيشة الفهلوة،فممكن تعيش، بس هتفضل طول عمرك عايش مع ناس في أوضة، بتاكل أي كلام، بتشتغل يوم وتقعد ١٠، مديون، مضغوط، وحاجات تانية كتير، يعني مفرقتش كتير قوي عن اللي أنت فيه.

يعني خيارين… يا تتعلم وتغير نفسك وتبني حياة، يا تختار الفهلوة وتعيش تحت الخط طول عمرك.

(5) 👇

وأنت مسافر "لازم" يكون معاك مبلغ يمشيك ومتروحش وأنت على الحديدة تماما.

الكلام ده كان زمان، لكن دلوقتي، الأفضل تروح ومعاك فلوس.

بتزهق وبتمل، يبقى يا تتغير، يا تخليك مكانك، عشان مش هتنفع.

حساس وعينيك بتحمر وشعرك بيتنكش من أي حاجة، يبقى يا تتغير يا تخليك عندك.

(6) 👇

أنت جاي في مجتمع جديد، بقيم وأخلاق وثقافة، مختلفين تماما عن كل اللي اتربيت عليه، فتعايش وتأقلم، وحط في دماغك وأفهم أنك مش هتغير حاجة فيهم.

(7) 👇

محدش هيمنعك تمارس عبادتك ولا تلتزم بعاداتك اللي اتربيت عليها، لكن متفرضهاش على حد، ولا تحكم على حد، وده موضوع صعب على بعض الناس… معلش، ولو مش هتقدر خليك عندك برضه.

هتدفع ضرايب ورسوم تانية في بعض البلاد.

(8) 👇

وده طبيعي جدًا، بس هتاخد قدامهم "في غالبية البلاد" خدمات حقيقية، زي الصحة والنضافة وفي بعض الحالات سكن ومرتب شهري وتقاعد وغيره.

(9) 👇

فيه بلاد زي إنجلترا، بتغطي ١٠٠٪؜ صحة للمتقاعدين وبعض الحالات الخاصة، ده غير السكن والمرتب الشهري، ومبالغ استثنائية سنوية، في حالات زي البرد الشديد أو الكريسماس أو ارتفاع الأسعار.

هتسافر قانوني، هتستريح وهتتحرك بسرعة.

(10) 👇

هتسافر فهلوة هتتعب قوي ولو معرفتش تظبط وضعك وده "وارد جدا"، هتعيش زي الفهلوي اللي قولتلك عليه في الأول.

لو هتتجوز عشان الجنسية بس ودافع فلوس، فخلي بالك أنكوا بنسبة ٩٠٪؜ هتتقفشوا.

(11) 👇

لو قررت تتجوز من البلد اللي أنت فيها، فلازم تختار كويس قوي قوي قوي، ولو من الناس اللي مبيعروفش يتأقلموا أو مش مستعد تعيش زيهم أو مبتعرفش تصبر وتغير بالعقل، يبقى خليك في جاليتك أحسن عشان متقعش في مشاكل أنت في غنى عنها، وهتشغل دماغك وتشيلك هم.

(12) 👇

اتجوز اللي شبهك واللي تعرف تتعامل معاها، وده عمومًا في الجواز يعني. مش من الأجانب بس.

(13) 👇

إنسى قصة المميزين والاحتفال بالإنجازات الصغيرة اللي كبرت عليها دي، محدش مهتم بيك ولا عملت إيه ولا صحيت الساعة كام ولا قريت كام كتاب، فيه دول الوزرا بيروحوا الشغل بالعجل وفي المترو، ومحدش بيهتم.

أنت بتعمل لنفسك ولدايرتك الصغيرة جدًا.

(14) 👇

طرق السفر القانونية كتير، مابين دراسة،وشغل واستثمار وجواز ولجوء،حتى فيه دول عندهم فيزا للمخطوبين.

مفيش مطعم ولا شركة، بتبعتلك من الهوا تقولك "بنترجاك تشتغل معانا"، وهنديك تلتلاف دولار،بس عايزين منك ١٠٠ دولار عشان الفيزا وهنديهملك لما تيجي.
كل ده كلام فاضي ونصب ومش حقيقي

(15) 👇


لو قدمت على شغل في بلد واتقبلت في الشغل، فالشركة هتتكفل بكل حاجة لغاية ما توصل عندهم، ولو هيدفعوك حاجة، فهتتخصم من مرتبك على دفعات بعد ما تشتغل، وحتى ده مش قانوني وممكن يكون فيه حوار.

(16) 👇

توقع اللي من نفس بلدك يبعدوا عنك، وتوقع برضه أن محدش يساعدك، فمتاخدش على خاطرك قوي واطلع من حالة "اللي مني مزعلني" بسرعة، مفيش وقت للكلام ده.

لكن أنت متبقاش زيهم، ولو عرفت أن حد محتاج "حقيقي" مساعدة، يبقى ساعده باللي تقدر عليه، وخلي بالك برضه.

(17) 👇

وأخيرًا أفضل مكان يعرفك كل المعلومات الخاصة بالبلد، هي سفارتها ومكاتبهم الحكومية المعتمدة في بلدك، لكن مش "الرحاب للعمالة".

معلش كلمتين تقال على البعض، بس كتبتهم بكل صدق وأمانة وعن تجربة طويلة.

(18) وانتهي السرد
يومك فل

عن السفر

جملة Time Will Tell من الجمل اللي عاملة زي "آلة الزمن"، أول ما تقراها وتفكر فيها شوية، هتشوف قدامك أحوال اتبدلت لأحوال، وناس بقوا ناس تانيين، وحياة بقت غير الحياة، ووعود قديمة بقت مجرد كلام.

سرد ✍️ 6/1

أنا مبعرفش أدي الحاجات أكبر من حجمها، ولا أقع في حفرة الـOverthinking كتير، بس كل ما أقرأ الجملة دي أو تيجي في دماغي، غصب عني بقارن الأحوال والناس قبل وبعد؛ كانوا إيه وبقوا إيه… أوقات تغيير عظيم، وأوقات تغيير يزعلك.

6/2 ⬇️

بس المشترك بينهم كلهم أن فترات التغيير "للأسف" قصرت قوي في كل ما هو سيء، وبقت أطول عند كل حاجة كويسة.

فمش هتحتاج 5-10 سنين عشان تكتشف أن اللي بيقول صاحبك مش صاحبك، ولا اللي حلف امبارح أنه يكون جنبك وقع عند أول مطب، ممكن الموضوع ياخد كام شهر بس!

6/3 ⬇️

والمقارنة هنا (عشان فيه نوع عجيب لسبب ما بيحتاج كتالوج للكلام) مش مقارنة نفسك بحد، أنا طول عمري ضد ده، لكن مقارنة البني آدم اللي قدامك دلوقتي، بنفس البني آدم بس... امبارح مثلا!

6/4 ⬇️

لذلك، من رأي اللي ممكن جدًا يكون غلط، راجع نفسك واللي حواليك كل فترة قصيرة، لكن لو عامل مشروع أو بتتعلم حاجة أو بدأت مشوار مهني جديد… طول المدة شوية.

6/5 ⬇️

أه… قولت نفسك، عشان ممكن تكتشف أنك كنت عبيط امبارح برضه مثلا، أو أنك بتستثمر في علاقة غلط أو أنك بتتغير لحاجة أنت كنت بتكرهها أو بتنكرها على الناس وأنت مش واخد بالك.

عشان Time Will Tell.

6/6

Time Will Tell

من أخطر المراحل اللي هتعدي عليها، خصوصًا لو Creator.

مؤلف، كاتب، مصمم، مصور… أو أي مجال فيه Creativity، حتى صناعة المحتوى المرئي والمسموع.

في الوقت ده هتلاقي نفسك بتقولك: "أنت متستاهلش الهيصة اللي معمولة عليك دي ولا التقدير اللي الناس بيدهولك وفيه أحسن منك ألف مرة واللي بتعمله ده مكرر وشبه ناس كتير ولو كملت فيه هيبقى شكلك وحش وهيشوفوك نقيل مش مبدع ولا حاجة".

وحاجات كتير قوي زي الكلام ده، بس إوعى تقع في المرحلة الـ 💩 دي وتستسلملها. لازم تكمل وتجتهد أنك تطور نفسك طول الوقت، والسيندروم دي تبقى سبب عشان تحسن من نفسك، بدل ما تبقى سبب لإحباطك.

ولازم هنا نحط خط يفصل بين النقيل اللي عارف نفسه أنه بينحت وده مبيحسش بالحالة دي خالص، وبين المبدع اللي بتجيله من وقت التاني، خصوصًا لو شغال على مشروع كبير أو حقق نجاح كبير.

على قد ما هي مرحلة خطر، لكن ليها جوانب إيجابية كتير ودليل على أن ضميرك موجود وعايز تبقى مبدع بجد.

جرب تكتب كل يوم بالليل أو أول ما تصحى عن اليوم اللي خلص.

راجع تقدمك كل فترة وقارنه بالفترة اللي فاتت وشوف كنت فين ووصلت لفين.

متسمعش للتعليقات السلبية من نوع، أنت بتنقل أو مكرر أو بتعيد اختراع العجلة أو كل الكلام الشقي ده.

استمر... طول ما أنت بتتحرك لقدام/ حتى لو ببط