🤔💭 لو بتفكر تتعلم إنجليزى .. ومُصر يعني، فالسَرد ده هيفيدك ويوفرلك كل اللي محتاجه عشان تبدأ رحلة تعلم اللغة، فياريت متعديهوش وتابع 👇🏾
1
لازم تعرف إن الموضوع مش سهل زي ما أصحاب السناتر والإنفلولنسرز بيوهموك، ومش هتتعلم في شهر ولا إتنين ولا تلاتة، ومحتاج مش أقل من 6 شهور عشان يبقى عندك خلفية عن الموضوع، وده سواء تعلم ذاتي أو غيره، في الحالتين هتاخد وقت، والوقت ده محتاج شغل وممارسة كتير وتعب.
2 👇🏾
تعلم اللغة الإنجليزية مبقاش حاجة كمالية، تعرفها أو متعرفهاش، لكنه بقى ضرورة ومطلوب بشكل محدش يتخيله، ولو علمت نفسك أو شجعت حد تعرفه أو بدأت مع ولادك، فتأكد أنك بتقدملهم وبتقدم لنفسك خدمة العمر، لأنه بقى عنصر أساسي في الدراسة والشغل.
3👇🏾
أيوه اللي بيعرف يتكلم إنجليزي النهاردة مبقاش "مبهر" زي زمان، و يه شركات بتبص معاك كام لغة بعد الإنجليزي ولغتك الأصلية.
وده لأنه بقى حاجة طبيعية ومتوقعة.
4👇🏾
سؤال بيوصلني كتير "إزاي علمت نفسك إنجليزي؟ وإزاي أنا كمان أتعلم ويبقى مستوايا كويس؟"
ده غير التعليقات الكتير قوي اللي بتشتكي من الفرص اللي ضاعت منهم بسبب اللغة، أن الكتب ومصادر التعلم اللي مالهاش ترجمة.
للأسف!
5👇🏾
هبدأ بسلسلة موجودة على القناة، هقولك فيها أنا اتعلمت إزاي.
السلسلة اسمها The Right Way To Say واللي كل حلقة بتكلم فيها عن "إزاي تتعلم إنجليزي" والخطوات اللي أنا مشيت عليها، واللي نقلتني من واحد مبيعرفش لغة خالص، لمترجم وصحفي.
6👇🏾
1- دي السلسلة bit.ly/TRWTS وأوعدك مش هتندم لو اتفرجت عليها.
7👇🏾
2- "منصات ممارسة اللغة"، وقولت عليها "للممارسة"، لأنك من خلالها هتقرا وتسمع وتتفرج، فهتنمي الـ3 مهارات دول أثناء استخدامك ليهم، ومرشحتش إلا منصتين بس عشان مش عايز أردمها مصادر وخلاص، بس طبعًا لو عندك أي اقتراح اكتبه.
duolingo.com/
about.com/education/
8👇🏾
3- لينكات مهمة على يوتيوب:
English For You: youtube.com/user/englishforyoutv/playlists
Pronunciation & Phonetics: bit.ly/GKPhonetics
4- طيب أنا عايز قاموس كويس:
Oxford learners Dictionaries: oxfordlearnersdictionaries.com/
Cambridge English–Arabic Dictionary: dictionary.cambridge.org/dictionary/english-arabic/
9👇🏾
إيه ده؟ بس كده؟
لا لسه…
أكيد قبل ما تبدأ كل ده هتحتاج تعرف مستواك، عشان كده جمعتلك 3 مواقع تقدر من خلالهم تختبر مستواك في الإنجليزي، ونصيحتي تجرب أكتر من واحد أو كلهم عشان تتأكد من مستواك كويس.
(بس متنساش تتفاعل مع البوست عشان يوصل لغيرك)
10👇🏾
تحديد المستوى من كامبريدج: cambridgeenglish.org/test-your-english/
اختبار تحديد مستوى من جامعة واشنطن: depts.washington.edu/uwelp/uwoelst/uwoelst_main.php
اختبار حلو قوي لحصيلة الكلمات بتاعتك: testyourvocab.com/
11👇🏾
يمكن الكلام ده مش فارق معاك أو مش محتاجه، بس أكيد هيفرق مع حد تاني، ”و تأكد انه هيجي عليك الدور و هتلاقي حد عامل share لـ حاجة هتغير حياتك“.
تابع تليجرام:
t.me/WTknow
انستجرام:
instagram.com/WalidTahaArt
12