🤔 يعني بقالك سنين بتقول "اتعلموا برمجة" وفجأة كده تقول اتعلموا No-Code Development؟
إيه اللخفنة دي؟ 🤬
طيب متضايقش نفسك وهفهمك الدنيا، بس تابع السَرد 👇🏾
🤖 ١- يعني إيه No-Code/Low-Code Development؟
ده "برنامج/منصة" تقدر من خلالها تطور تطبيق أو ويب، من غير معرفة كبيرة بالبرمجة، أو حتى معرفة أساسًا، المهم أنك تعرف تتعامل مع المنصة دي. 👇🏾
👀 ٢- إزاي برضه تقدر تعمل برنامج من غير Code؟
المنصة دي (مهما كانت) بتعتمد على عناصر Visual عشان تسهل على المستخدم اللي معندوش "لامؤاخذة" خلفية برمجية، أنه يبرمج ويطور، عن طريق "السحب والإسقاط"، حاجة زي سكراتش كده!
يعني من الأخر بتفتح أبواب كانت مقفولة في وش ناس كتير قوي!
👇🏾
⛔️ ٣- بس كده هيبقى فيه Limitation أكيد!!
خلينا الأول نقول المميزات:
- هتتعلم بسرعة، فتقدر تعمل الشغل بسرعة، ولو عندك فكرة مش هتستنى تلاقي الـdeveloper المناسب.
- تكلفة منخفضة، وفيه منصات بتقدم باقات مجانية.
- تحديثاتك على تطبيقاتك هتعملها وقتي وتنشرها وقتي.
👇🏾
🛑 نقول بقى الـLimitations:
- أول وأكبر حاجة، أنك معتمد على المنصة اللي عملت عليها تطبيقك، يعني أي تغيير في السياسات أو الاشتراكات، أنت هتتأثر بيه.
- مش عيب، بس مطلوب قوي أنك تكون فاهم تصميم وUI/UX وإلا هتطلع تطبيق محدش عايز يستخدمه، حتى لو فكرته حلوة.
👇🏾
⏭ - السرعة برضه مرتبطة بسرعة المنصة.
- تصميماتك ووظايف التطبيق أو الموقع بتاعك محدودة باللي المنصة بتوفره، فمتقدرش تشتغل بحرية كبيرة قوي زي ما هتشتغل مع مطور.
بس استنى
عايز أقولك أن فيه ناس بنوا بزنس كامل على منصات زي دي، يا No-Code أو Automated
ومن غير أي خبرة سابقة
👇🏾
فلو عندك فكرة لبزنس ومبتعرفش تعمل ويب سايت أو تطور تطبيق أو تبني نظام CRM، هتلاقي كل حاجة أونلاين، وهتقدر تعمل كل ده وأنت في البيت وعلى جهازك.
👇🏾
حاجة أخيرة...
إيه المنصات اللي ممكن تساعدك تبني بزنس كامل؟
حاجات زي carrd و Squarespace عشان تعمل موقع
GoPayWall ممكن تخلي موقع باشتراكات
وحرفيا منصات لا تعد ولا تحصى، وهحدث السرد ده بمجموعة كويسة قوي، بكرة أو بعده، فياريت تحفظه عندك. 👇