لو سألتني من ٢٠ سنة بالظبط عايز تعمل إيه في حياتك، مكنتش هعرف أرد،
ثريد 🧵👇🏾
1/9
#أحسن_من_امبارح
مع أن كان عندي وقتها ٢٤ سنة وشوية، لكن مكانش عندي أي طموح، أو تقدر تقول كنت مشغول بالساقية اللي كنت متعلق فيها ومتبني مبادئ، كتير منها غلط، ويمكن أولها "اللي نعرفه أحسن من اللي منعرفوش"، والفهم الخاطيء لكلمة "الرضا".
2/9
والمشكلة أني مفوقتش لكل ده إلا وأنا عندي ٣٠ سنة، لما بصيت لنفسي، لقيت واحد مالوش دعوة بأي حاجة من اللي بتحصل حواليه في الدنيا خالص، ولا عنده أي مهارة تناسب التطور اللي حصل ولا لغة حتى… ميح!
3/9
في الوقت ده كان لازم أخد قرار من اتنين ومن غير تأجيل، يا استمر زي ما أنا وأروح المحل الصبح عادي، يا أغير حاجة في حياتي.
4/9
وفعلا أخدت القرار وبدأت وحاربت عشان أسافر وابدأ من جديد، أيوه روحت المحل الصبح عادي تاني يوم واستمريت فيه شغلي، بس كان قدامي هدف واحد، أن ٢٠٠٩ متخلصش إلا وأنا مغير حاجة.
5/9
التغيير الأول كان في التخلي عن كل المعتقدات والفهم الغلط للرضا والقناعة والاستقرار والأمان، والسعي ورا تحقيق تغيير حقيقي، مش مجرد تغيير سطحي، اللي هو أخد كورس عشان يبقى اسمي واخد كورس ولا أني ابدأ اتعلم لغة عشان أقول "واريفر".
6/9
البداية كانت صعبة وبطيئة جدًا، خصوصا مع نظرة الناس في مصر للي عايز يبدأ من جديد وهو في السن ده، لكن ولا كان هاممني اللي بسمعه، وكأني عايش لوحدي على الكوكب.
7/9
لما سافرت الإمارات في ٢٠٠٨، روحت عشان أشتغل أمن (أكيد فيه ناس عارفين القصة) ولالغة ولا عندي معرفة بالكومبيوتر إلا بالـ word ومعرفة قليلة قوي.
8/9
وعشان اختصر ومطولش قوي عليكوا وأسيب مساحة للأسئلة، ٢٠٠٩ خلصت وأنا بتكلم وبقرأ وبكتب إنجليزي وبقيت HR ASSISTANT في نفس الشركة اللي دخلتها Security.
والنهاردة بعد 14 سنة، هقولك عايز أرجع أخد وليد اللي أخد قرار التغيير واستمر، واخده بالحضن وأشكره على اللي وصلتله النهاردة.
9/9