شروط استيراد السيارات من الخارج

•

هذا ثريد كامل عن استيراد السيارات من الامارات.. اولاً: وش شروط استيراد السيارات من الخارج بشكل عام؟ customs.gov.sa/ar/general/import-vehicles

اذا جيت بتشتري سيارة من الخارج بشكل عام، لازم تعرف من وين مصدر السيارة لانها تختلف في الاجراءات: وارد امريكا: مواصفات امريكية لازم السيارة تصير clean title لم يسبق لها الحادث او الغرق.. وتقدر تفحصها انها سليمة من خلال رقم الشاصي من carfax.eu/vehicle-history-report?gclid=Cj0KCQjwz7uRBhDRARIsAFqjullA59DWYVeT1ot7Qz0yELz_Y582P4KBGEPuc79yutkR_B67Is7rkkUaAkfJEALw_wcB

مواصفات خليجية: تأكد ان الشاصي سليم! موصفات المانية: تأكد ان الشاصي سليم! مواصفات يبانية: تأكد الشاصي سليم! هذه اغلب الموصفات اللي بتحصلها في سوق الامارات ولذالك جرا التنبيه!

ثانياً: ابحث عن سيارتك من هنا dubizzle.com/

ثالثاً: اذا حصلت السيارة اللي اعجبتك تأكد من انها مطابقة لكفاءة الطاقة التابع لهيئة الموصفات والمقاييس: بعض سيارات ٨ سلندر وفوق ماتدخل السعودية اذا هي مستعملة sls.saso.gov.sa

ثالثاً: الفحص الافضل انك تروح تفحص السيارة بنفسك اذا اعجبك السعر.. الفحص فيه فحص الزامي قبل نقل الملكية لك يسمى فحص تصدير من الامارات.. الفحص هذا جيد لكن انصحك تفصح بمكان فاهم لسيارة وعارف لمشاكلها عشان تطلع بنتيجة مرضية! 💡تذكر ان ستكر حماية السيارة يخرب قراءة البوية

رابعاً الدفع: اسرع طريقة لدفع هي الكاش، كذا بتجيك سيارتك بنفس اليوم. التحويل البنكي: امن طريقة دفع، الرسوم رخيصة ٥٠ ريال للحوالة.. تصل خلال ٣ ايام. شف الطريقة المناسبة لك، انصحك باجازة لمدة اسبوع ومنها تحول فلوس على راحتك وتستلم على راحتك!

اصدار لوحات التصدير: اذا تبي تسوق السيارة وانت في دبي، تقدر تطلع لوحات تصدير. وتقدر تسوق السيارة بنفسك وتخلص امورك بنفسك! بس الله يعينك على الخط.

شحن السيارة من المعرض الى مدينتك. اسعار السطحات من دبي الى الرياض ١،٥٠٠ ريال الى ٣،٠٠٠ ريال يعتمد اذا السطحة هايدروليك او مغلقة

يبقى عندك دفع الجمارك + ضريبة القيمة المضافة: اذا بتسوق السيارة بنفسك، فيه مكاتب جنب منفذ البطحاء تخليص جمركي.. تحتاج شيء اسمه بيان جمركي. بعدها فيه فني عند الجمارك للمواصفات والمقاييس يشوف السيارة، بعدها تدفع الجمرك ورسوم اصدار لوحات جمركية سوداء. والضريبة

البيان الجمركي يكلفك ٣٠٠ ريال (ممكن اقل) الجمرك ٥٪ الضريبة ١٥٪ رسوم اصدار اللوحات ٣٠٠ ريال

✅ اذا بترسلها بسطحة تحتاج بس مخلص جمركي، موجودين بحراج بكثرة. يسويلك الاشياء هذه كلها وانت في بيتك وتوصلك السيارة الى باب بيتك.

بعد الوصول بسلامة! اذا السيارة خليجية، توجه لاصدر البطاقة الجمركية من الميناء الجاف بالرياض (يختلف على حسب مدينتك) بعدها الى الفحص الدوري، بعدها تأمين السيارة، بعدها المرور لاصدار الاستمارة واللوحات. goo.gl/maps/87QnkKoLH8rU8ZgDA

اذا السيارة وارد امريكا او دول اخرى: خذ موعد عن محطة الموصفات المقايس، في الرياض موقعهم مخرج ٢ خذ الموعد من هنا: saso.gov.sa/ar/Pages/default.aspx الموقع هنا: goo.gl/maps/3rJuAJVVXuheNjBD9

جدول لرسوم المرور، وغيرها…

كيف تحمي نفسك من النصب؟ ✅ رح بنفسك ✅ افحص بنفسك ✅ خلص الاجراءات بنفسك رح شف كل شيء بعينك فهي تجربة جميلة بيني وبينك 😎

هل فيه فرق كبير بالسعر؟ مو دايم.. بس بعض الاحيان بتلقى سيارة بسعر ماتشوفه باي مكان بالعالم، ميزة سوق الامارات الاسعار تختلف فيه دايم..

الضمان: فيه اشاعة قوية منتشرة ان السيارات المستوردة يطيح عنها الضمان.. هذا غير صحيح.. اذا لسيارتك ضمان جاري اتجه على اقرب وكيل لك، وسجل عندهم المالك الجديد لسيارة ويتم احتساب المدة المتبقية ويعطونك تكلفة تمديد الضمان.

⛔️ احذر من السيارات المقلوبة بتشوف في سوق الامارات سيارات كثيرة محولة الى موديلات جديدة. غالباً هذه السيارات تكون مصدومة وسالفتها سالفة.. دايم بتشوفها بسيارتين بكثرة Range Rover و Mercedes Benz

اي شيء تبون تعرفونه عن استيراد السيارات من الخارج علموني 😁❤️