البنوك بتكرهني بعد هذه التغريدة!
إنتبه انتبه انتبه! تاخذ سيارة بتقسيط! انتبه! ⛔️⚠️
يقع الكثير من الشباب في هذا الخطأ المالي العظيم!
اذا تبي تشتري سيارة عمرك لا تشتريها بتقسيط! فيه هذه التغريدة اكشف لك بعض الطرق الصحيحة في حال انك محتاج سيارة!
اولاً عمرك لا تاخذ قرض عشان تشتري فيه سيارة! لان السيارة تعتبر من الالتزامات وليست من الاصول! بتالي انت تحط فلوس قرض في محرقة وانت ماتحس!
فيه حل بسيط انك تشتري سيارة مستعملة على قد فلوسك الى ان يفرجها ربي عليك!
لكن اذا مُصر تاخذ قرض.. اليك الحل!
خذ قرض شخصي ولا تاخذ سيارة بتقسيط!
سيارة بالتقسيط نسبة ربح البنك من ٦٪ الى ١١٪ اذا ماكانت اكثر!
القرض الشخصي نسبته مابين ١.٥٪ الى ٢.٥٪.. وبعض البنوك مازالت توفر لك عرض كورونا للقروض الشخصية بالنسبة قريبة لصفر!
سيارة بالتقسيط مارح تكون باسمك! رح تكون باسم البنك الى ان تنتهي من الاقساط!
اذا جيت تبيعها وتقول عليها بنك، زباينها قليل جداً لان سالفتها سالفة!
سيارة بالتقسيط في حال تأخرت في السداد قد يسحبها منك البنك ويبيعها بسعر رخيص ويطالبك في الباقي!
رح يحاول البنك يغريك ان التأمين الشامل مجاني على السيارة، رح اترك المساحة لناس تعلمك بعد الحادث اللي اتلف السيارة وش صار معهم مع التأمين والبنك.. فيه قصص كثيرة تشيب راسك
اشتر سيارة بقرض شخصي، اوفر لك في التسديد.. السيارة باسمك وتحت تصرفك وتقدر تبيعها وقت ماتبي ويكون لها رغبه اكبر في حال انك احتديت!
لازم تكون عندك ادارة مخاطر عالية!
اللي عنده شيء زيادة لا يبخل في تثقيف الشباب من الناحية المالية ❤️💰
شكراً لكم!
نسيت اضيف نقطة مهمة جداً! خصوصاً سكان مدينة الرياض!
لو صار عليك حادث لا قدر الله! خل نقول رح عليك الباب! اذا السيارة بإسمك قد تحصل على تعويض باب! فلوس هذا الباب رح تجيك!
اذا السيارة تقسيط! البنك بياخذ "الفلوس" وسيارتك بيصلحها وبيرجعها لك!!
فلوس الحادث انت اولى فيها!!